Форум аясында біздің команда компания қызметтерінің кең ауқымын таныстырып, сондай-ақ өткен далалық маусымдағы геофизикалық жұмыстардың нәтижелері мен енгізілген технологиялық шешімдерді ұсынды. Жаңа барлау әдістерін қолданудағы практикалық жетістіктер мен олардың нақты жобалардағы тиімділігіне ерекше назар аударылды.

MINEX-ке қатысу біз үшін қолданыстағы және әлеуетті тапсырыс берушілермен мазмұнды әрі нәтижелі кездесулер өткізуге, сондай-ақ салалық серіктестермен ынтымақтастық перспективаларын талқылауға мүмкіндік берді.

MINEX форумы ашық диалог жүргізу, тәжірибе алмасу және тау-кен саласының барлық қатысушылары — сервистік компаниялардан бастап инвесторлар мен мемлекеттік құрылымдарға дейін — арасындағы байланыстарды нығайтудың маңызды алаңы болып қала береді.

Өнімді атмосфера мен жоғары деңгейдегі кәсіби өзара іс-қимыл үшін ұйымдастырушылар мен қатысушыларға алғысымызды білдіреміз